‘Dukesh mirë…por do të të bëj që ta lësh duhanin’/ Shakaja e Erdogan që kapi në befasi kryeministren italiane

Kryqëzata anti-duhan e presidentit turk, Recep Tayyip Erdogan, ka një shënjestër të re: kryeministren italiane, Giorgia Meloni.

Në margjinat e një samiti paqeje në Egjipt që synonte t'i jepte fund luftës në Gaza, Erdogan i premtoi Melonit se do të gjente një mënyrë për ta bindur atë të linte duhanin.

“Dukesh shumë mirë. Por duhet të të bëj të lësh duhanin”, i tha Erdogan Melonit, sipas pamjeve të publikuara nga mediat italiane.

Por Presidenti Francez Emmanuel Macron, i cili ishte pranë tyre, nxitoi t’i shuante shpresat Erdoganit. “Është e pamundur!” tha ai duke qeshur.

«E di, e di», tha Meloni, duke shtuar një paralajmërim se lënia e duhanit mund ta bënte më pak të shoqërueshme. «Nuk dua të vras ​​dikë».

Në një libër të bazuar në një seri intervistash , Meloni rrëfeu se kishte filluar përsëri të pinte duhan pasi e kishte lënë për 13 vjet. Por ajo gjithashtu pranoi se pirja e duhanit e kishte ndihmuar të krijonte lidhje me politikanë të tjerë, përfshirë presidentin tunizian Kais Saied.