Izraeli: Armëpushimi në Gaza hyn në fuqi/ Witkoff: Forcat Izraelite Përfundojnë Fazën e Parë të Tërheqjes

Izraeli thotë se armëpushimi në Gaza ka hyrë në fuqi dhe se trupat e saj janë larguarnë vijën e rënë dakord sipas marrëveshjes.

Më pas Hamas ka 72 orë për të liruar të gjitha pengjet, të gjallë e të vdekur, gjë që sipas Izraelit mund të ndodhë të dielën ose të hënën.

Sapo përfundon dorëzimi i pengjeve, Izraeli liron rreth dy mijë të burgosur palestinezë.

Pas kësaj ndihma humanitare lejohet të hyjë në Gaza, me rreth 600 kamionë në ditë.

“Marrëveshja e Armëpushimit hyri në fuqi në orën 12:00. Që nga ora 12:00, trupat e IDF filluan të pozicionoheshin përgjatë vijave të përditësuara të vendosjes në përgatitje për marrëveshjen e armëpushimit dhe kthimin e pengjeve. Trupat e IDF në Komandën Jugore janë vendosur në zonë dhe do të vazhdojnë të largojnë çdo kërcënim të menjëhershëm.”, thuhet në deklaratën e ushtrisë izraelite.

The Ceasefire Agreement Came Into Effect at 12:00

Since 12:00, IDF troops began positioning themselves along the updated deployment lines in preparation for the ceasefire agreement and the return of hostages.

IDF troops in the Southern Command are deployed in the area and will…

— Israel Defense Forces (@IDF) October 10, 2025 

Ndërkohë që ndërmjtësi amerikan Witkoff  tha se "Forcat Izraelite Përfundojnë Fazën e Parë të Tërheqjes"

Forcat e Mbrojtjes së Izraelit përfunduan fazën e parë të tërheqjes së tyre në të ashtuquajturën "vijë të verdhë" në mesditë sipas orës lokale. I Dërguari Special i SHBA-së, Steve Ëitkoff, njoftoi lajmin sot në X, duke cituar konfirmimin nga Komanda Qendrore e SHBA-së (CENTCOM).

"CENTCOM konfirmoi se Forcat e Mbrojtjes së Izraelit përfunduan fazën e parë të tërheqjes në vijën e verdhë në orën 12:00 të mesditës sipas orës lokale. Periudha 72-orëshe për lirimin e pengjeve ka filluar", thuhet në postim. Tërheqja është pjesë e marrëveshjes së armëpushimit të arritur midis Izraelit dhe Hamasit, e cila parashikon një armëpushim, lirimin e pengjeve dhe evakuimin gradual të trupave izraelite nga Rripi i Gazës.