Kapet me pistoletë pa leje dhe marijuanë, në pranga shqiptari në Selanik

Një 26-vjeçar shqiptar, tifoz i një ekipi të Selanikut, u arrestua në Asvestochori pasi policia gjeti një pistoletë të fshehur midis gjetheve të pemëve pranë një klubi tifozësh.

Në vendngjarje ndodheshin rreth 30 persona, përfshirë miqtë e të riut.

Hetimi zbuloi se arma ishte në pronësi të 26-vjeçarit, pa leje, ndërsa në shtëpinë e tij u sekuestrua edhe një sasi e vogël marijuane, 8.31 gramë. I riu nuk është i panjohur për autoritetet, pasi në të kaluarën ka qenë përfshirë në vepra të shumta penale, përfshirë grabitje, zhvatje, kërcënime, rrëmbim dhe dëmtime trupore.

Operacioni u zhvillua nga Departamenti për Luftimin e Dhunës së Organizuar Sportive, me ndihmën e Zyrës së Veprimeve Operacionale, Drejtorisë së Policisë, Njësisë së Veprimit të Menjëhershëm dhe Departamentit të Parandalimit dhe Shtypjes së Krimit. Gjatë veprimeve u arrestuan gjithsej 32 persona për identifikimin e pronarit të pistoletës.

Të arrestuarit janë shoqëruar në organet kompetente të prokurorisë, ndërsa hetimet paraprake vazhdojnë.