EMRAT/ Aksident tragjik në aksin Mamurras–Milot, ndërron jetë një këmbësor

Një ngjarje e rëndë ka ndodhur mbrëmjen e sotme në Kurbin, ku një këmbësor ka humbur jetën si pasojë e një aksidenti rrugor.

Sipas informacionit paraprak të Policisë, më datë 06.10.2025, rreth orës 19:50, në aksin rrugor “Mamurras–Milot”, automjeti që drejtohej nga shtetasi Ervis Kalthi, 38 vjeç, ka përplasur këmbësorin Vladimir Leka, 43 vjeç, i cili ndodhej duke kaluar rrugën.

Për shkak të plagëve të marra nga përplasja, shtetasi Vladimir Leka ka ndërruar jetë në vendngjarje. Ndërkohë, drejtuesi i automjetit, Ervis Kalthi, është shoqëruar në Komisariatin e Policisë për veprime të mëtejshme procedurale.

Grupi hetimor vijon punën për zbardhjen e plotë të rrethanave të aksidentit tragjik.

Njoftimi i Policisë:

Kurbin / Informacion paraprak

Më datë 06.10.2025, rreth orës 19:50, në aksin rrugor “Mamurras–Milot”, automjeti që drejtohej nga shtetasi E. K., 38 vjeç, ka përplasur këmbësorin, shtetasin V. L., 43 vjeç.

Si pasojë e përplasjes, shtetasi V. L. ka humbur jetën.

Drejtuesi i automjetit është shoqëruar në Komisariatin e Policisë, për veprime të mëtejshme procedurale.

Grupi hetimor po punon për sqarimin e plotë të rrethanave të ngjarjes.