Gjyqtari i gjykatës së Apelit të Tiranës u qëllua me 2 plumba, arrestohet autori, bashkëpunëtori ikën! Syri sjell pamjet e para

Burimet bëjnë me dije se autori është arrestuar, ndërsa një bashkëpuntor i tij ka mundur të largohet.

Syri Tv siguron pamjet e para nga vendi i ngjarjes ku forca të shumta policie vrapojnë të hyjnë në gjykatën e Apelit ku ka ndodhur dhe sulmi me armë.

Gjyqtari Astrit Kalaja është qëlluar me armë në zyrën e tij.

Policia ka shkuar në vendin e ngjarjes, ndërsa momentalisht mësohet se ndaj gjyqtarit është qëlluar dy herë me armë zjarri.

Një plumb e ka kapur në këmbë dhe një në pjesën e krahur, afer gjoksit, informon gazetari Elton Qyno. 

Ngjarja ka tronditur gjyqtarët dhe avokatët që prisnin në rradhë listën e gjykimit të proceseve të tyre.

Policia e Tiranës ka shkuar në vendgjarje dhe ka nisur hetimet për Vrasje ndaj gjyqtarit të mbetur në tentativë.