Derbi i Italisë mbyllet pa fitues, kuqezinjtë më të rrezikshëm, Juventusi shpëton nga penalltia

Derbi i Italisë mes Juventusit dhe Milanit, i zhvilluar në “Allianz Stadium”, u mbyll pa gola dhe pa fitues (0–0). Kuqezinjtë u treguan më të rrezikshëm, por nuk arritën të shfrytëzojnë rastet e shumta që krijuan.

Pjesa e parë e kujdesshme
45 minutat e para u karakterizuan nga një lojë e kujdesshme nga të dyja skuadrat. Juventus tentoi me goditje nga distanca përmes Locatellit dhe Gattit, ndërsa për Milanin rasti më i mirë erdhi nga Santiago Gimenez, por tentativa e tij u ndal nga portieri Di Gregorio.

Pjesa e dytë: Milan humb penalltinë
Loja u gjallërua në fraksionin e dytë, me Milanin që pati mundësinë më të artë. Christian Pulisic në minutën e 54-të gaboi nga pika e bardhë, duke dërguar topin mbi traversë. Ky moment rezultoi vendimtar, pasi bardhezinjtë nuk u kundërpërgjigjën me raste të rrezikshme.

easily top ten worst penalties, well done pulisic🤣

pic.twitter.com/C09EZuA8Y0

— melchisio (@Melchisio) October 5, 2025

Leao sjell gjallëri, Di Gregorio shpëton Juventusin
Hyrja e Rafael Leaos nga stoli solli më shumë intensitet te Milani. Ai krijoi disa situata të rrezikshme, përfshirë një gjuajtje në minutën e 90+1, të cilën Di Gregorio e priti me vështirësi. Nga ana tjetër, Juventusi mbeti i zbehtë dhe pa ide sulmuese.

Gjendja në renditje
Me këtë barazim, Milani mbetet në vendin e tretë me 13 pikë, ndërsa Juventusi renditet i pesti me 12 pikë.

Luka Modric creates an insane chance for Rafael Leao who misses it pic.twitter.com/JWAJlmU8yA

— Drix (@drixprods) October 5, 2025