Qindra të rinj gjermanë hanë puding me pirunë…vetëm për një meme

Më shumë se 1,000 të rinj u mblodhën të dielën për të ngrënë së bashku puding në qytetin verior gjerman të Hanoverit - duke përdorur pirunë në vend të lugëve.

Ajo që tingëllon si një ide absurde është një trend në mediat sociale që po fiton shumë ndjekës. Të rinjtë mblidhen kryesisht së bashku dhe e shijojnë ëmbëlsirën me pirun. E gjithë ngjarja është filmuar dhe postuar në internet.

Në Hanover, një faqe memesh me gati 145,000 ndjekës qëndron pas takimit të “pudingut”. Memet janë kryesisht përmbajtje humoristike ose satirike, shpesh imazhe ose video, që përhapen shpejt në internet.

Në komente, shumë përdorues e kapin humorin dhe pyesin nëse pudingu, mund të hahet edhe me pirun apo nëse mund të sjellin thikën e bukës.

Absurditeti i takimit është një lloj "shfryrjeje në kohët tona aktuale", tha një zëdhënëse nga Hanoveri, për të shpjeguar fenomenin e internetit.

Ajo tha se është thjesht diçka "ku mund të qeshësh", duke shtuar se kjo është karakteristikë e Gjeneratës Z, atyre të lindur midis viteve 1995 dhe 2010: reagimi ndaj rrethanave serioze me humor dhe absurditet.

Në Hanover, një pjesëmarrëse e quajtur Ida tha se aktivitetet për të rinjtë janë bërë të shtrenjta; Nga ana tjetër, takimi me puding është një aktivitet i këndshëm dhe i lirë për të gjithë.

Ajo erdhi me katër shoqe dhe solli një puding çokollate, së bashku me një pirun të madh.

Një pjesëmarrës tjetër, Roberti, tha: "Patjetër që do të ketë një përshkallëzim të madh këtu." Vijnë njerëz që mendojnë: "Të hash puding me lugë është e kotë, të hash puding vetëm është e kotë." Kështu që, ata takohen, sjellin një pirun dhe e hanë pudingun së bashku. Qëllimi është të harrojnë "të gjitha problemet" për një ditë./ DPA News.