Deco ‘frenon’ entuziazmin për Rashford-in: Nuk kushton shtrenjtë, por vendimi për blerjen do të merret më vonë

Barcelona po shijon një fillim sezoni premtues dhe një nga emrat që po spikat më shumë është Marcus Rashford. Sulmuesi anglez, i ardhur në huazim, është bërë gjithnjë e më i rëndësishëm në lojën e katalanasve falë golave dhe asistimeve të tij.

Drejtori sportiv i Barcelonës, Deco, ka folur hapur për situatën e tij kontraktuale, duke theksuar se klubi ka bërë një lëvizje të zgjuar në merkato:

“E morëm Marcus-in me një huazim të thjeshtë me të drejtë blerjeje. Çmimi i kartonit të tij nuk është shumë i lartë”.

Megjithatë, pavarësisht entuziazmit për performancat e Rashford-it, vendimi përfundimtar mbi të ardhmen e tij ende nuk është marrë.

“Nuk ka penalitete në rast se nuk e blejmë përfundimisht. Për momentin jemi shumë të kënaqur, por vendimi përfundimtar për qëndrimin e tij do të merret më vonë”, – ka sqaruar Deco.

Kështu, ndërsa tifozët e Barcelonës shijojnë momentet magjike të Rashford-it në fushë, dilema për të ardhmen e tij mbetet e hapur dhe do të përcaktohet në muajt e ardhshëm.