VIDEO/ Fitore dramatike e Arsenalit në ‘Park‘St James’, Newcastle thyhet në frymën e fundit
Arsenal arriti një fitore dramatike 2-1 në Premier League ndaj Newcastle United në Park‘St James’’, duke marrë tri pikë të vlefshme dhe duke shmangur humbjen për herë të parë në katër vizitat e fundit aty.
Newcastle e nisi më mirë ndeshjen dhe në minutën e 35-të arriti të kalonte në avantazh përmes Nick Woltemade, i cili shënoi me kokë pas një krosimi nga Sandro Tonali.
Arsenal reagoi dhe barazoi përmes Mikel Merinos vetëm në minutën e 85-të, pasi shfrytëzoi një krosim të Declan Rice për të dërguar topin në rrjetë. Por dramat e mbrëmjes nuk mbaruan këtu: në minutën e 97-të, Gabriel shënoi golin e fitores me kokë nga një krosim i Martin Ødegaard, duke nxitur shpërthimin e festës në tribunat e mysafirëve.
Me këtë fitore, Arsenal ngjitet më pranë kryesimit të Premier League, duke ushtruar presion mbi Liverpool-in dhe duke i shkaktuar Newcastle humbjen e dytë të sezonit.