Britania vendos rregullin strikt, një vajzë 27-vjeçare humbi jetën nga kanceri pasi shkoi te mjeku mbi 20 herë dhe ata nuk e panë problemin

Një rregull i ri për mjekët e përgjithshëm po futet në Mbretërinë e Bashkuar, pasi një 27-vjeçare nuk u diagnostikua me kohë me kancer dhe humbi jetën.

Jessica Brady, e cila kontaktoi mjekun e saj më shumë se 20 herë në vitin 2020, u trajtua fillimisht për “covid të gjatë” dhe iu tha se ishte “shumë e re për kancer”. Ajo u diagnostikua me adenokarcinomë në fazë terminale vetëm tri javë para se të vdiste, pak para Krishtlindjeve.

Në nder të saj, Sistemi Shëndetësor Kombëtar Britanik (NHS) ka prezantuar “Rregullin e Jess”, i cili kërkon që mjekët të “mendojnë përsëri” pas tre vizitash të një pacienti me të njëjtat simptoma. Kjo nënkupton analiza shtesë, konsultim me kolegë ose dërgim te specialistët.

Ministri i Shëndetësisë, Wes Streeting, e quajti rastin e saj një “tragjedi të panevojshme” dhe theksoi se ky rregull do të ndihmojë në zbulimin e hershëm të sëmundjeve të rrezikshme.

Kolegji Mbretëror i Mjekëve të Përgjithshëm pranoi se simptomat e kancerit shpesh ngatërrohen me sëmundje më të lehta, sidomos tek të rinjtë dhe komunitetet minoritare.

Familja e Jessica Brady shpreson që “trashëgimia e saj të shpëtojë jetë të tjera”, ndërsa Healthwatch England ka bërë thirrje që rregulli të zbatohet shpejt dhe në mënyrë të vazhdueshme.

Inspired by the legacy of Jess Brady, a new rule will help diagnose serious illnesses sooner.

Through Jess's Rule, GPs will rethink after three appointments, to treat patients who need care sooner and avoid preventable deaths.

Find out more:https://t.co/RyC989lYdB pic.twitter.com/A7BYhgU4hm

— Department of Health and Social Care (@DHSCgovuk) September 23, 2025