Ancelotti: Shkarkimi nga Bayerni, më i hidhur i karrierës sime

Trajneri aktual i Brazilit, Carlo Ancelotti, foli hapur në autobiografinë e tij të re, “Ëndrra”, rreth kohës si trajner i Bayernit.

Ai foli gjithashtu për shkarkimin e tij pas humbjes 3-0 ndaj PSG-së në Ligën e Kampionëve: “Ne dominuam garën në Bundesligë atë sezon, duke përfunduar 15 pikë përpara, pesë më shumë se sa kishte arritur Pep Guardiola në dy sezonet e mëparshme. Megjithatë, te Bayerni, kjo nuk u konsiderua një sukses. Ishte më e pakta që prisnin drejtuesit. Kur media bëri bujë për diçka, vura re një ndryshim të madh.

 Jam shkarkuar katër herë nga klube të mëdha: Juventus, Chelsea, Real Madrid dhe Bayern. Kjo tregon se nuk ke nevojë për një president ose pronar të paparashikueshëm për t’u shkarkuar nga detyrat. Edhe aksionerët e një kompanie mund ta bëjnë këtë. Ky (i Bayernit) ishte shkarkimi më i pakompromis i të gjithë karrierës sime. Pas largimit tim, ata arritën në gjysmëfinale të Ligës së Kampionëve dhe u eliminuan nga, merrni me mend, Real Madridi…”.