Largim i papritur nga Teuta, mesfushori 25-vjeçar me mesazh për tifozët

Mesfushori 25-vjeçar Matias Lloci ka ndarë një mesazh prekës me tifozët dhe klubin e Teutës, duke njoftuar largimin e tij nga skuadra durrsake. Pas një periudhe ku veshi me krenari fanellën blu, Lloci u shpreh mirënjohës ndaj shokëve të ekipit, trajnerëve dhe tifozëve, duke theksuar se KF Teuta do të mbetet gjithmonë një pjesë e rëndësishme e zemrës së tij. Largimi i tij i papritur shënon fundin e një kapitulli, por edhe fillimin e një rruge të re në karrierën e tij futbollistike.

Mesazhi i Llocit:

“Të dashur familja KF Teuta, ndërsa mbyll këtë kapitull të karrierës sime, dua të shpreh mirënjohjen time më të thellë për të gjithë ju në KF Teuta. Të vishja këtë fanellë dhe të përfaqësoja klubin ka qenë një nder dhe privilegj i jashtëzakonshëm. Shokëve të skuadrës, faleminderit për betejat  që luftuam së bashku, për orët e panumërta stërvitje dhe për kujtimet branda dhe jashtë fushës. Trajnerëve dhe stafit, faleminderit për besimin, udhëzimin dhe mbështetjen që më ndihmuan të rritem si lojtar dhe si person. Dhe tifozëve faleminderit për pasionin dhe mbështetjen tuaj të palëkundur.

KF Teuta do të ketë gjithmonë një vend të veçantë në zemrën time. Largohem me respekt dhe mirënjohje të plotë për këtë klub, dhe gjithmonë do të mbaj me vete mësimet dhe përvojat që fitova këtu në të ardhmen. Jam mirënjohës për gjithçka që ndamë së bashku. I uroj klubit suksese të vazhdueshme në vitet që vijnë dhe do të jem gjithmonë krenar që kam qenë pjesë e familjes KF Teuta. Me mirënjohje dhe respekt, Matias Lloci”.