VIDEO/ Anglia ‘kursehet’ ndaj Andorrës, vetëm dy gola në Birmingham
Anglia mori fitoren e radhës në kualifikueset e Botërorit, sërish pa shumë bujë dhe duke lënë vend për kritika. ‘Tre Luanët” fituan 2-0 ndaj Andorrës, ndaj së cilës pritej goleada.
Golin e parë e shënoi një mbrojtës i Andorrës, Christian Garcia, që në përpjekje për të larguar një top të rrezikshëm, e dërgoi gabimisht në rrjetën e vet në minutën e 25-të.
Episodi i dytë vendimtar erdhi në minutën e 67’, kur Declan Rice shënoi me kokë një gol të bukur pas një krosi perfekt, duke dërguar topin në këndin e poshtëm të majtë të portës.
Gjatë ndeshjes, Anglia pati edhe disa mundësi të tjera të rrezikshme; Marcus Rashford humbi një rast të qartë brenda zonës, ndërsa Eberechi Eze dhe Elliot Anderson u ndalën nga portieri Iker Alvarez me pritje të shkëlqyera.
Përveç golave, këto momente treguan dominimin e Anglisë dhe kontrollin e plotë të lojës gjatë gjithë takimit. Kjo fitore forcon pozicionin e Anglisë në Grupin me 12 pikë të plota. Ndeshja e radhës, shumë e rëndësishme, është ajo me Serbinë, më 9 shtator, në Beograd.