VIDEO/ Mirlind Daku shënon dy gola në Rusi, shpërthen në lot për gjyshin që u nda dje nga jeta

Sulmuesi shqiptar, Mirlind Daku, ka shënuar dy gola në ndeshjen e sotme (e shtunë) të ekipit të tij Rubin Kazan në transfertë me Orenburg.

Rubin Kazan barazoi 2-2 në ndeshjen e vlefshme për javën e shtatë në Superligën e Rusisë.

Lojtari kryesor i mysafirëve edhe në këtë ndeshje ishte sulmuesi i kombëtares shqiptare, Mirlind Daku, i cili shënoi dopjetë.

Goli i parë i djaloshit gjilanas erdhi në minutën e 16-të për 0-1, ndërsa në minutën e 34-të shënoi për 0-2 dhe me këtë rezultat ekipet shkuan në pushim.

Megjithatë, vëmendje më të madhe mori goli i parë, i cili përveçse ishte i bukur dhe nga distanca ai pati edhe një dedikim.

Ky gol iu dedikua gjyshit të tij të ndjerë, i cili i vdiq dje (e premte), për të cilin Daku qau pas golit dhe për të cilin ka folur jo rrallëherë që ka pasur një raport të veçantë.

⚽ Another brilliant goal from Mirlind Daku with his left foot.
😔 As you can see a very emotional Daku after his grandfather died yesterday. pic.twitter.com/KMga1P6BL9

— Albanian Football Scout 🇦🇱 (@FootballAlbXI) August 30, 2025

Daku deri tani këtë sezon ka shënuar gjashtë gola dhe renditet i dyti në listën e golashënuesve.