Zelensky reagon ndaj sulmeve të Rusisë: E vetmja zgjidhje janë masa të ashpra kundër Moskës
Presidenti ukrainas Volodymyr Zelenskyy në një reagim të bërë së fundmi në "X" ka bërë me dije se Rusia ka vijuar me sulmet në Zaporizhzhia. Nga ky sul ka ndërruar jetë një person dhe janë plagosur disa të tjerë, mes tyre edhe fëmijë. Sipas Zelenskyyt rusët lëshuan gati 540 dronë, 8 raketa balistike dhe 37 raketa të llojeve të tjera.
Presidenti ukrainas shton se Moska shfrytëzoi kohën për t'u përgatitur për një takim midis udhëheqësve të dy vendeve për të nisur sulme të reja masive kundër vendit të tij. Sipas tij e vetmja mënyrë për të rihapur një dritare mundësie për diplomacinë është përmes masave të ashpra kundër të gjithë atyre që financojnë ushtrinë ruse.
"Në Zaporizhzhia, të gjitha shërbimet janë vendosur në vendin e sulmit rus në një ndërtesë banimi pesëkatëshe. Fatkeqësisht, deri më tani, dihet një viktimë, së bashku me dhjetëra të plagosur, përfshirë fëmijë. Edhe një herë, një ndërtesë e zakonshme banimi. Gjithashtu gjatë natës, forcat e mbrojtjes ajrore dhe shërbimet e emergjencës ishin aktive në rajone të tjera. Sulmi preku Volyn, Dnipropetrovsk, Donetsk, Zhytomyr, Zaporizhzhia, Ivano-Frankivsk, Kiev, Rivne, Sumy, Kharkiv, Khmelnytskyi, Cherkasy, Chernivtsi dhe Chernihiv. Pati shumë zjarre, me infrastrukturën civile të prekur kryesisht: shtëpi dhe ndërmarrje. Rusët lëshuan gati 540 dronë, 8 raketa balistike dhe 37 raketa të llojeve të tjera kundër jetës së zakonshme.
Ne pamë reagimin e botës ndaj bombardimeve të mëparshme. Por tani, ndërsa Rusia tregon edhe një herë se nuk i interesojnë fjalët, ne po mbështetemi në veprime të vërteta. Është e qartë se koha e ndarë për përgatitjen e një takimi në nivel udhëheqësish u përdor nga Moska për të përgatitur sulme të reja masive. E vetmja mënyrë për të rihapur dritaren e mundësisë për diplomaci është përmes tarifave të ashpra kundër kujtdo që furnizon ushtrinë ruse me para dhe sanksioneve efektive kundër vetë Moskës - atyre bankare dhe energjetike. Kjo luftë nuk do të përfundojë me deklarata politike - nevojiten hapa të vërtetë. Ne presim veprime nga Amerika, Evropa dhe e gjithë bota," shkruan Zelenskyy.
In Zaporizhzhia, all emergency services are engaged at the site of a Russian strike on a five-story residential building. Tragically, as of now, one person is confirmed dead, and dozens are wounded, including children. Once again, it was a regular apartment building. Overnight,… pic.twitter.com/mYZ2C8WqZ7
— Volodymyr Zelenskyy / Володимир Зеленський (@ZelenskyyUa) August 30, 2025