SUPERGOLAT/ Milani i kthehet fitores, mposht Leçen e Ramadanit dhe Berishës
Milani i drejtuar nga Masimiliano Alegri ka reaguar pas disfatës në kampionat ndaj Kremonezes, duke marrë një fitore të pastër 0-2 në transfertë ndaj Leçes.
Golat e Loftus-Çik në minutën e 66-të dhe të Pulišiç në minutën e 86-të i dhuruan kuqezinjve 3 pikët e para të këtij sezoni, duke rikthyer besimin te skuadra.
Në krahun tjetër, Leçja e dy mesfushorëve shqiptarë pati një paraqitje të ndershme. Ylber Ramadani u aktivizua titullar dhe qëndroi në fushë për 82 minuta, për t’u zëvendësuar më pas nga Helgason, ndërsa Medon Berisha hyri në lojë në minutën e 63-të në vend të Kaba.
Me këtë fitore, Milani sheh përpara me më shumë optimizëm, ndërsa në javën e tretë do të presë Bolonjën në “San Siro”. Ndërkohë, Leçe do të përballet me Atalantën në transfertë.
CHRISTIAN PULISIC FIRST SERIE A GOAL OF THE SEASON ❗️
— Inside Milan (@_InsideMilan) August 29, 2025
CAPTAIN AMERICA 🇺🇸 pic.twitter.com/zkCIpnhJLU
Loftus-Cheek Header Goal #LecceMilan #Milan pic.twitter.com/shDy0F5Rp9
— MILAN CALCIO (@spoxmilan) August 29, 2025