Chris Froome operohet me sukses pas aksidentit të rëndë në Francë

Lajme pozitive vijnë për Chris Froome pas aksidentit të rëndë rrugor që pësoi një ditë më parë gjatë një stërvitjeje në Saint-Raphael, Francë. Skuadra e tij, Israel-Premier Tech, njoftoi se çiklisti britanik ka kaluar me sukses ndërhyrjen kirurgjikale të kryer pas dëmtimeve të shumta që mori pasi u përplas nga një automjet.

Froome, fitues i 4 Tour de France, 2 Vuelta de España dhe 1 Giro d’Italia, kishte pësuar frakturë të një vertebre dhe thyerje të pesë brinjëve. Fatmirësisht, operacioni ka shkuar sipas planit dhe gjendja e tij tashmë është më e qëndrueshme.

Në komunikatën zyrtare, skuadra bëri të ditur:

“Mund të konfirmojmë se Chris është operuar me sukses. Procedurat kanë shkuar siç ishte planifikuar, ai ndodhet në spital dhe po merr kujdesin e nevojshëm nga mjekët dhe stafi shëndetësor. Chris është me humor të mirë dhe shumë mirënjohës për mbështetjen e shkëlqyer mjekësore që ka marrë. Ai dhe familja e tij dëshirojnë të falënderojnë tifozët, miqtë dhe gjithë komunitetin e çiklizmit për interesimin dhe mesazhet e shumta të mbështetjes.”

Ky është një tjetër provim i vështirë në karrierën e 40-vjeçarit britanik, i cili në të kaluarën ka kaluar edhe aksidente të tjera të rënda, por gjithmonë ka treguar forcë dhe vendosmëri për t’u rikthyer në pedalim.