Chelsea, në garë me kohën, synon 400 milionë euro në vetëm gjashtë ditë
Në “Stamford Bridge” po zhvillohet një mision që duket si i pamundur. Me vetëm gjashtë ditë nga mbyllja e merkatos në Angli, trajneri Enzo Maresca kërkon të zgjidhë mbipopullimin e skuadrës së Chelsea-t dhe njëkohësisht të sigurojë 400 milionë euro nga shitjet gjatë kësaj vere.
Në aspektin e afrimeve, merkatoja e “bluve” ka marrë vlerësime shumë të larta. Emra si João Pedro, Delap, Estêvão, Jorrel Hato, Dário Essugo dhe Jamie Gittens janë talente të mëdha që premtojnë të tashme dhe të ardhmen të ndritshme. Për më tepër, po flitet edhe për mbërritjen e Xavi Simons dhe Alejandro Garnacho-s.
Afrimet kryesore:
- João Pedro (Brighton): 63,7 mln €
- Jamie Gittens (Dortmund): 56 mln €
- Jorrel Hato (Ajax): 44,18 mln €
- Liam Delap (Ipswich): 35,5 mln €
- Estêvão (Palmeiras): 34 mln €
- Dário Essugo (Sporting): 22,27 mln €
- Mamadou Sarr (Strasbourg): 14 mln €
- Kendry Páez (Independiente): 10 mln €
Por te largimet, situata është shumë më ndryshe. Chelsea ka bërë 16 shitje këtë verë, megjithatë bilanci mbetet i paekuilibruar duke pasur parasysh edhe tetë afrimet (plus dy që pritet të zyrtarizohen). Koha është e shkurtër, ofertat nuk janë të shumta dhe fakti që të gjithë e dinë se Chelsea duhet të shesë, e vështirëson procesin e negociatave. Chelsea ka ende shumë punë për të bërë, ndërsa ora e merkatos po afron fundin.
Shitjet kryesore:
- Noni Madueke (Arsenal): 56 mln €
- João Félix (Al Nassr): 30 mln €
- Djordje Petrovic (Bournemouth): 28,9 mln €
- Lesley Ugochukwu (Burnley): 28,7 mln €
- Kiernan Dewsbury-Hall (Everton): 28,65 mln €
- Renato Veiga (Villarreal): 24,5 mln €
- Armando Broja (Burnley): 23 mln €
- Mathis Amougou (Strasbourg): 14,5 mln €
- Bashir Humphreys (Burnley): 14 mln €
- Kepa Arrizabalaga (Arsenal): 5,8 mln €
- Marcus Bettinelli (Manchester City): 2,4 mln €