Përfshihet nga flakët avioni luftarak në Malajzi, rrëzohet disa sekonda pasi u ngrit
Një avion luftarak Boeing F/A-18 Hornet i Forcave Ajrore Mbretërore të Malajzisë u rrëzua të enjten në mbrëmje pasi u përfshi nga flakët pak sekonda pasi u ngrit. Pamjet video të kapura nga dëshmitarët okularë tregojnë avionin duke ecur në pistë kur shfaqen papritur shkëndija dhe disa sekonda më vonë u rrëzua.
Dy pilotët në bordin e avionit thuhet se u nxorën nga avioni pak para rrëzimit. Sipas policisë lokale, dy pilotët u dërguan menjëherë në Spitalin Tengku Ampuam Afzan ku iu nënshtruan analizave.
Në deklaratën e saj, Forcat Ajrore Mbretërore të Malajzisë thanë: "Dëshirojmë t'ju informojmë për një aksident që përfshinte një F/A-18D Hornet në orën 21:05 të mbrëmjes më 21 gusht në Aeroportin Sultan Ahmad Shah në Kuantan. Ne po ndërmarrim veprime të menjëhershme dhe do t'ju mbajmë të informuar mbi zhvillimet e fundit."
🚨⚡️BREAKING AND UNUSUAL
— RussiaNews 🇷🇺 (@mog_russEN) August 21, 2025
The moment of the "explosion" of an American F/A-18 Hornet fighter jet during its attempt to take off from an airport in Malaysia.. 🇺🇸🔥pic.twitter.com/eyEUSTmTEj