SYRI TV/ Roskovec - banorët e Imshtës, pa ujë dhe drita

Rreth 70 familje të lagjes Metushaj në fshatin Imësht i Vogël, njësia Suk 1, bashkia Rroskovec, prej vitesh përballen me një situatë të rëndë gjatë muajve të verës: mungesën e ujit të pijshëm dhe të energjisë elektrike.

Çdo vit, për të paktën katër muaj, banorët detyrohen të jetojnë pa ujë në shtëpitë e tyre. Puset që kanë hapur në oborre, thahen ose bllokohen nga rëra, pasi zona është ranore. Ujin e pijshëm e blejnë.

'Zëre se nuk vjen fare. Ujin e marrim me pikatore nga botet'

Mungesa e energjisë elektrike e rëndon akoma më shumë situatën, sidomos për blegtorët që mbajnë stalla me lopë. Mungesa e energjisë ka sjellë probleme në ruajtjen në kushte frigoriferike të prodhimeve të qumështit dhe nëproduktet e tij.

Banorët e Imështit të Vogël kërkojnë një zgjidhje të qëndrueshme, si në furnizimin me ujë të pijshëm, ashtu edhe në sigurimin e energjisë elektrike, që jeta e tyre dhe puna në blegtori të mos rrezikohen çdo verë nga i njëjti problem i përsëritur.