Letra e hapur nga shkencëtarët dhe biznesmenët serbë në SHBA: Shpallni zgjedhjet

Grup i shkencëtarëve, investitorëve dhe drejtuesve të kompanive nga Amerika, me origjinë serbe, ka dërguar një apel publik për daljen e Serbisë nga kriza aktuale shoqërore dhe politike përmes forcimit të institucioneve, stabilitetit dhe sundimit të ligjit.

Ata theksojnë se zgjidhja më legjitime është mbajtja e zgjedhjeve demokratike dhe të lira, duke nënvizuar se qëllimi i tyre nuk është përkatësia politike, por mbështetja e stabilitetit të vendit.

Në letrën e tyre, që e nënshkruajnë shkencëtarë dhe biznesmenë të njohur nga universitetet dhe kompanitë amerikane, paralajmërohet se eskalimi i konflikteve dhe dhunës po thellon ndjeshëm krizën që zgjat më shumë se nëntë muaj. Autorët e shkruajnë se kërcënohet përparimi ekonomik, sfidat demografike po rriten dhe largimi i të rinjve të arsimuar po shtohet.

Nënshkruesit kujtojnë se studentët kanë mobilizuar disa herë një numër të madh qytetarësh dhe bëjnë thirrje për institucionet kompetente – Kuvendin dhe Presidentin – që të shpallin zgjedhjet në përputhje me kompetencat kushtetuese, duke siguruar një de-eskalim të qetë dhe gradual të situatës. Ata theksojnë se të gjitha palët duhet të marrin një rol konstruktiv për të garantuar zgjedhje të lira, duke përfshirë qasje në media, lista votuesish të përditësuara dhe vëzhgues të pavarur.

Autorët e letrës nënvizojnë se Serbia mund të përfitojë nga mundësitë e zhvillimit vetëm si një shtet funksional me sundim të ligjit, korrupsion të ulët dhe klimë të qëndrueshme biznesi. Letra përfundon duke theksuar se qëndrimet e tyre bazohen në patriotizëm dhe dëshirën për të nxjerrë vendin nga kriza, duke vënë mbi gjithçka mirëqenien e Serbisë.

“Bota e shkencës, teknologjisë, tregtisë dhe gjeopolitikës po ndryshon me një shpejtësi të jashtëzakonshme dhe nuk pret askënd. Serbia mund të shfrytëzojë mundësitë e zhvillimit vetëm si një shtet funksional me sundim të ligjit, nivele të ulëta korrupsioni dhe një klimë të qëndrueshme biznesi. Me bindjen e thellë se mirëqenia e Serbisë është mbi dallimet tona, ne theksojmë se qëndrimet tona bazohen në patriotizëm dhe dëshirën për të vendosur stabilitet dhe sundim të ligjit në Serbi”, thuhet në letrën e nënshkruar nga:

Nenad Tomašević, Themelues dhe CEO, DrenBio

Nikola Božinović, Themelues, Frame

Alexander Kolicich, 8VC, Partner Themelues

Gordana Vunjak-Novakovic, Profesore, Universiteti Columbia, Nju Jork

Brano Perkovich, Menlo Park, Kaliforni

Nenad Grmuša, CEO, DEM Therapeutics

Sasha Novakovich, Themeluese dhe Drejtore Ekzekutive e Alchemy

Stefan Vitorovic, Bashkëthemelues, Vida Venture, Bashkëthemelues dhe Drejtor Menaxhues, Juvia Group

Janko Ž. Nikolich, Profesor, Universiteti i Arizonës, Phoenix

Voja Laliç, San Francisko, Kaliforni

Milan Stojanoviq, Profesor në Universitetin e Kolumbisë

Sasha Ostojic, Palo Alto, Kaliforni

Jovica Badjić, Profesor, Universiteti Shtetëror i Ohajos

Dragan Petrovic, Union City, Kaliforni

Ivan Smiljanić, Bashkëthemelues i Innovation Properties Group

Nebojsa Radovic, San Francisko, Kaliforni

Kjo letër vjen në një kohë kur polarizimi politik, korrupsioni dhe largimi i të rinjve të arsimuar janë probleme gjithnjë e më të pranishme, dhe apeli i ekspertëve nga diaspora nënvizon nevojën urgjente për zgjidhje demokratike dhe institucionale.