Ruben Amorim ka vendosur një rekord të padëshiruar pas humbjes me Arsenalin

Ruben Amorim ka vendosur një rekord të padëshiruar në Ligën Premier pas humbjes me rezultat 1-0 ndaj Arsenalit.

Goli me kokë i Riccardo Calafiorit i shkaktoi Manchester United një humbje minimale në ndeshjen hapëse të kampionatit këtë të diel, dhe ndonëse skuadra e Amorimit tregoi disa shenja pozitive, trajneri portugez hyri në histori, por jo në mënyrën që do të dëshironte.

Sipas “OptaJoe”, Amorim ka pësuar 15 humbje në 28 ndeshje të Premier League (me shtatë fitore dhe gjashtë barazime). 

Ky është rasti më i shpejtë që një trajner ka arritur kaq shumë humbje në këtë kompeticion, pa qenë në krye të një skuadre të sapongjitur në elitë, që nga Paul Hart me Portsmouth në vitin 2009 (27 ndeshje).