Samiti me Putin/ Trump telefonon Zelenskyn dhe kreun e NATO-s gjatë kthimit në ShBA

Pas samitit të tyre në Alaskë, presidenti amerikan Donald Trump dhe homologu i tij, Vladimir Putin, thanë se bisedimet e tyre kishin qenë pozitive.

Sipas burimeve presidenciale, Trump, pati një bisedë të gjatë me presidentin ukrainas, Volodymyr Zelensky, gjatë fluturimit të tij për t’u kthyer nga Alaska.

Trump mbërriti në Bazën e Përbashkët Andreës në Maryland menjëherë pas orës 2 të mëngjesit sipas kohës lindore, pasi përfundoi samiti i tij me Presidentin rus Vladimir Putin.

Presidenti e kaloi pjesën më të madhe të fluturimit gjashtëorësh në telefon, sipas Sekretares së Shtypit të Shtëpisë së Bardhë, Karoline Leavitt.

Pas telefonatës me Zelenskyn, Trump foli me NATO-n, tha ajo.

Përditësimi vjen pak minuta pasi agjencia shtetërore ruse e lajmeve TASS tha se nuk kishte diskutime midis Trump dhe Putin mbrëmë në lidhje me një samit tjetër që përfshinte presidentin ukrainas.

Gjatë konferencës së tij të përbashkët për shtyp me Putinin, pas takimit të tyre dy orë e gjysmë, Trump u zotua të zhvillojë telefonata si me Zelenskyn ashtu edhe me zyrtarët e NATO-s.

“Sigurisht që do ta telefonoj Presidentin tonë Zelensky dhe do t’i tregoj për takimin e sotëm”, tha Trump gjatë konferencës.

Zyra e Zelensky konfirmoi se ai kishte folur me Trump të shtunën në mëngjes.

Kujtojmë se tema kryesore e takimit midis Presidentit të SHBA-së Donald Trump dhe Presidentit rus Vladimir Putin ishte përfundimi i luftës agresore të Rusisë kundër Ukrainës.