Plagosja në Korçë, autori dhe i plagosuri u zunë në tavolinën ku po pinin bashkë

Zbardhet shkaku i plagosjes së ndodhur në fshatin Mollaj të Korçës, e ndodhur mbrëmjen sotme.

Mësohet se autori dhe i plagosuri ishin në një tavolinë së bashku me disa persona të tjerë, ndërsa kanë nisur duke u ‘ngacmuar’ me fjalë me njëri tjetrin. Autori ka shkuar në banesë, ka marrë thikën dhe është kthyer për ta plagosur, ndërsa personat e tjerë që kanë qenë në tavolinë kanë goditur fizikisht pas plagosjes autorin, duke i shkaktuar dëmtime por jashtë rrezikut për jetën. I plagosuri ndodhet ende në sallën e reanimacionit nën kujdesin e mjekëve, ku mësohet se ka plagë në trup, poshtë shpatullës.

Sipas burimeve, autori i plagosjes Aleks Qishi ka qenë i dënuar për falsifikime dhe vepra të tjera penale.

Qishi ka dalë pak kohë më parë nga burgu, teksa ka qenë i dënuar për drogë. Gjithashtu, mësohet se ka qenë i dënuar edhe në Greqi.

40 vjeçari e ka qëlluar disa herë Kodrën me thikë.