VIDEO/ Lavrov në Alaskë me bluzën me logon e BRSS, mesazhi që fshihet pas veshjes së diplomatit rus

Ministri i Jashtëm rus Sergey Lavrov dukej se mbante veshur një pulovër me shkronjat “CCCP” — rusisht për BRSS, (Bashkimi i Republikave Socialiste Sovjetike) — me të mbërritur në Alaskë.

Lavrov do të jetë pjesë e delegacionit të Kremlinit kur presidenti rus Vladimir Putin dhe presidenti amerikan Donald Trump të takohen më vonë të premten në një samit të shumëpritur për të diskutuar luftën në Ukrainë.  

Bluza e bardhë e Lavrovit ishte fshehur me kujdes nën një xhaketë të zezë, ku vetëm shkronjat e mesme “CC” dukeshin qartë në një video të postuar në X.

Lavrov has arrived for the meeting in a shirt that says СССР (USSR). https://t.co/D5yrC2MFhD pic.twitter.com/h5HYuvTrob

— Anton Gerashchenko (@Gerashchenko_en) August 15, 2025

Regjimi aktual rus ka shfrytëzuar vazhdimisht nostalgjinë e BRSS-së për të ndjekur qëllimet e tij politike dhe imperiale, sipas ekspertëve, me Putinin që e quajti shpërbërjen e Bashkimit Sovjetik "katastrofën më të madhe politike" të shekullit të 20-të gjatë një fjalimi në vitin 2005.

Malli i Moskës për të kaluarën është lidhur shpesh edhe me pushtimin e saj në shkallë të plotë të Ukrainës në vitin 2022 dhe luftën që pasoi, të cilën Trump shpreson ta përfundojë në Alaska të premten.

Përpara se të merrej me politikë, vetë Putini punoi për KGB-në - agjencinë e inteligjencës së Bashkimit Sovjetik - duke shërbyer si oficer i nivelit të mesëm në Dresden në gjysmën e dytë të viteve 1980, e cila në atë kohë ishte pjesë e Gjermanisë Lindore të sunduar nga komunistët.

Kievi dhe aleatët e tij kanë frikë se Putini mund të përdorë metodat që mësoi gjatë asaj kohe për të ndryshuar mënyrën e të menduarit të Trumpit - i cili në javët e fundit duket se është bërë më i ashpër me Moskën - gjatë takimit të tij ‘kokë më kokë’ me presidentin rus.    

Trump vlerësoi se takimi i Alaskës kishte 25 përqind shanse për dështim, në të cilin rast ai do të mbante një konferencë shtypi solo për të njoftuar se “lufta do të vazhdojë”, raportoi CNN.

Kur u pyet për këtë vlerësim pas mbërritjes së tij në Alaska, Lavrov i tha një gazetari rus: “Ne kurrë nuk përpiqemi të parashikojmë rezultatin ose të bëjmë ndonjë supozim. Megjithatë, ajo që dimë është se kemi argumente që mund t’i kontribuojmë diskutimit dhe se qëndrimi ynë është i qartë. Në fakt, shumë është arritur tashmë.”/ Politico.