Me urdhër të Trump, trupat e Gardës Kombëtare mbërrijnë në Uashington DC

Trupat e Gardës Kombëtare kanë filluar të mbërrijnë në Uashington DC me urdhër të presidentit Donald Trump, i cili të hënën njoftoi nisjen e një operacioni masiv “pastrimi” për të luftuar krimin dhe për të larguar personat pa strehë nga rrugët e qytetit.

Trump shpalli një “emergjencë të sigurisë publike” dhe vendosi 800 trupa të Gardës Kombëtare për të mbështetur qindra oficerë federalë të zbatimit të ligjit që u dislokuan në fundjavë.

“Po bëhet një situatë paligjshmërie të plotë dhe totale,” deklaroi ai për gazetarët në Shtëpinë e Bardhë.

Ndërkaq, kryetarja e bashkisë së Uashingtonit, Muriel Bowser, hodhi poshtë pretendimet e presidentit për rritjen e kriminalitetit, duke theksuar se edhe pse kishte një rritje në vitin 2023, statistikat e fundit tregojnë një ulje të numrit të krimeve. Krimi i dhunshëm në qytet është në nivelin më të ulët në 30 vitet e fundit.