Lajme në pak minuta: Çfarë po ndodh në botë

Trump thotë se do të takohet me Putin-in pavarësisht refuzimit të Kremlinit për të folur me Kievin

Donald Trump deklaroi se është i gatshëm të takohet me Vladimir Putin-in, edhe pse ky i fundit refuzon një takim me Volodymyr Zelenskyy-n, duke hedhur poshtë idenë se ky ishte kusht për një samit SHBA-Rusi.

Kremlini konfirmoi se po përgatitet një takim dypalësh me Trump-in javën e ardhshme, por mohoi se është diskutuar një format trepalësh me Zelenskyyn. Ndërkohë, Putini tha se nuk është ende koha për një takim me presidentin ukrainas, pasi nuk janë krijuar kushtet e nevojshme.

Izraeli miraton marrjen e kontrollit të Qytetit të Gazës, opozita dhe Britania paralajmërojnë katastrofë

Kabineti i sigurisë së Izraelit miratoi planin për marrjen nën kontroll të Gazës, vendim që opozita, përmes Yair Lapid, e quajti “një katastrofë” që do t’i shërbejë interesave të Hamasit.

LEXO EDHE: OKB: Pasoja katastrofike nëse Izraeli pushton Gazën!

Lapid dhe ish-zyrtarë të sigurisë paralajmëruan se kjo lëvizje do të rrezikojë pengjet e mbetura, do të shkaktojë humbje të mëdha njerëzore dhe do të dobësojë mbështetjen publike për luftën.

Edhe ambasadori britanik në Izrael tha se vazhdimi i konfliktit dhe pushtimi i Gazës do të ishin “një gabim i madh” dhe bëri thirrje për një zgjidhje politike e diplomatike.

Mijëra hotele në Europë do të padisin Booking.com për praktika “abuzive”

Më shumë se 10,000 hotele europiane po padisin Booking.com, duke e akuzuar për përdorimin e klauzolave të “çmimit më të mirë” që, sipas tyre, kanë shtrembëruar tregun dhe u kanë ulur fitimet gjatë dy dekadave të fundit.

Padia, e mbështetur nga 30 shoqata kombëtare hotelesh dhe e bazuar në një vendim të Gjykatës së Drejtësisë të BE-së, kërkon dëmshpërblim për periudhën 2004–2024, kur praktika u hoq për t’iu përshtatur rregullave të reja të tregut dixhital.

Booking.com e ka mohuar shkeljen e ligjit të konkurrencës, duke thënë se klauzolat ndihmuan në ruajtjen e çmimeve konkurruese dhe rritjen e fitimeve për shumicën e hoteleve.

Zjarri shpërthen pranë Los Angeles: mijëra të evakuuar, shpallet emergjenca

Zjarri “Canyon Fire” pranë Magic Mountain në Kaliforni është përhapur me shpejtësi, duke djegur rreth 4,800 hektarë dhe detyruar mijëra banorë të evakuohen.

LEXO EDHE: Kaliforni/ Zjarri shkatërron pyjet, rrezik edhe për banorët

Autoritetet kanë shpallur gjendjen e emergjencës, ndërsa 250 zjarrfikës po punojnë për ta vënë nën kontroll, me zero përqindje përmbajtje deri tani. Flakët po kërcënojnë linja energjie dhe komunitete të afërta, ndërsa erërat e forta po e përkeqësojnë situatën.