Trump e goditi me tarifa 50 %, kundërpërgjigjet India: Veprime të paarsyeshme, do të mbrojmë veten!
Teksa marrëdhëniet mes SHBA dhe Indisë janë tensionuar së fundmi, me kërcënime për rritje të tarifave prej 50% nga ana e presidentit amerikan, Donald Trump për Indinë, nuk ka vonuar as përgjigja zyrtare e Nju Dehlit.
Përmes një reagimi në platformën sociale X, zëdhënësi i Ministrisë së Punëve të Jashtme Indiane, Randhir Jaiswal, i ka cilësuar veprimet e presidentit Trump si të paarsyeshme, duke shtuar se India, përballë agresionit tregtar amerikan, do të mbrojë interesat e saj.
‘Vendosja e tarifave shtesë nga SHBA-të është "e padrejtë, e pajustifikuar dhe e paarsyeshme". Nju Delhi "do të marrë të gjitha masat e nevojshme për të mbrojtur interesat kombëtare", thuhet në reagimin e Ministrisë së Jashtme të Indisë.
"Shtetet e Bashkuara kanë vënë në shënjestër importet e naftës së Indisë nga Rusia", thuhet në deklaratë.
Statement by Official Spokesperson⬇️
— Randhir Jaiswal (@MEAIndia) August 6, 2025
🔗 https://t.co/BNwLm9YmJc pic.twitter.com/DsvRvhd61D
"Ne tashmë e kemi bërë të qartë qëndrimin tonë, duke përfshirë faktin se importet tona bëhen për të siguruar sigurinë energjetike të 1.4 miliardë njerëzve". Prandaj, zgjedhja e SHBA-së për "tarifa shtesë" është për të ardhur keq’, thuhet në reagim.
Duke i hedhur poshtë me vendosmëri kritikat, India vuri në dukje gjithashtu standardet e dyfishta në shënjestrimin e saj për këtë çështje dhe vuri në dukje se si SHBA-ja ashtu edhe BE-ja vazhdojnë të ruajnë marrëdhënie tregtare me Rusinë.
"Ndryshe nga rasti ynë, një tregti e tillë nuk është as një detyrim jetik kombëtar", tha Ministria e Jashtme në deklaratën e së hënës.