Zdenek Zeman drejt rikuperimit, një foto në det me të birin emocionon tifozët

Zdenek Zeman nuk është nga ata që dorëzohen lehtë dhe këtë e ka treguar sërish. Pas frikës së madhe që kaloi në muajin mars, kur përfundoi në terapi intensive në spitalin “Gemelli” të Romës për shkak të një ishemie cerebrale, trajneri legjendar çek është tashmë në fazën e rikuperimit. Në heshtje, larg reflektorëve dhe zhurmës së medies.

Por sot, pas disa muajsh qetësie, është i biri, Karel Zeman, gjithashtu trajner, ai që ka vendosur të ndajë me publikun një përditësim emocionues. Përmes një postimi në rrjetet sociale, ai publikoi një foto të realizuar në bregdet, ku Zdenek, tashmë 78 vjeç, shfaqet i buzëqeshur në një selfie krah të birit.

Fotoja shoqërohej me një përshkrim domethënës:

"Parasezoni të bën të ëndërrosh, të dëshpërohesh, të iluzionohesh, të vuash. Parasezoni nuk është pjesë e trajnerit, është vetë trajneri.”

Në sfond, dëgjohej kënga e njohur e Andrea Bocellit “Il mare calmo della sera”, duke shtuar emocionin e momentit. Pamja ka prekur zemrat e tifozëve, të cilët kanë shpërthyer me dhjetëra komente dashurie, mbështetjeje dhe respekti për teknikun bohem, një figurë e paharrueshme e futbollit italian dhe europian.