Klubi gjerman feston 125 vjetorin e krijimit me legjendat dhe një skulpturë të re

Gunter Netzer, Berti Vogts, Lothar Matthaus, Herbert “Hacki” Wimmer, Wolfgang Kleff, Allan Simonsen, Herbert Laumen, Uwe Rahn, Uli Stielike, Lars Stindl, Martin Stranzl, Christoph Kramer ishin të gjithë prezent në inaugurimin e skulpturës së re në “Borussia Park”.

Skuadra e Borussia Monchengladbach feston këtë fundjavë 125 vjetorin e krijimit dhe për këtë motiv ditën e djeshme u mblodhën rreth 150 ish-lojtarë të klubit në ceremoninë ku u përurua edhe skulptura e re.

500 anëtarëve të klubit, të zgjedhur nëpërmjet një lotarie, iu dha mundësia që të asistonin nga afër në këtë ceremoni ndërsa 2000 të tjerëve u dha mundësia që të shikonin idhujt e tyre nga një podium i ndërtuar për këtë event.

“Ju jam mirënjohës që keni bashkuar të shkuarën dhe të tashmen”, tha presidenti i klubit Rainer Bonhof.

“Unë mësova të luaja futboll në klubin më të mirë të botës”, tha Vogts, i cili ishte “kapiteni” i tretë historik i klubit pas Netzer dhe Jupp Heynckes.

“Borussia Monchengladbach është një skuadër e cila është shumë e dashur nga të gjithë, jo vetëm në Europë, por edhe në botë”, tha Matthaus.