Një duet që prek shpirtin, Dua Lipa dhe babai i saj këndojnë në shqip para publikut
Në edicionin e pestë të “Sunny Hill Festival”, një nga momentet më të veçanta të mbrëmjes erdhi kur Dua Lipa surprizoi publikun duke ftuar në skenë babain e saj, Dukagjin Lipa, për të kënduar bashkë në shqip.
Teksa performonte përballë mijëra fansave në Prishtinë, Dua ndali muzikën dhe u kthye drejt publikut:
“Sonte dua ta ftoj në skenë një person që më ka inspiruar gjithë jetën. Ai është babai im, Dukagjin Lipa!” – tha ajo mes duartrokitjeve dhe brohoritjeve.
Të dy bashkuan zërat në një interpretim plot emocione të këngës legjendare “Era” nga grupi Gjurmët. Momenti u prit me ovacione, ndërsa turma këndonte në kor, duke krijuar një atmosferë unike dhe të paharrueshme.
Ishte një nga rastet e rralla ku Dua Lipa interpreton në shqip në një skenë të madhe, dhe fakti që kjo ndodhi në Prishtinë – vendin e saj të origjinës – e bëri performancën edhe më domethënëse.
Përveç spektaklit muzikor, ky duet baba-bijë theksoi edhe një herë lidhjen e ngushtë të Duas me rrënjët, kulturën dhe familjen e saj, duke u kthyer në një nga kulmet emocionale të festivalit.
LINDOS! Dua Lipa cantando uma música em albanês com seu pai Dukagjin no Sunny Hill Festival. pic.twitter.com/kKvrDmtEXt