Minatorët informalë peruanë pezullojnë bisedimet me qeverinë për shkak të mosmarrëveshjeve në negociata

Minatorët informalë në Peru pezulluan bisedimet me qeverinë dhe mund të rifillojnë protestat, për shkak të mosmarrëveshjeve në negociata, tha të premten një nga udhëheqësit e protestës.

Kreu i sindikatës CONFEMIN, Maximo Franco Bequer, u tha gazetarëve se qeveria refuzoi të ndryshonte afatin e 17 gushtit për minatorët, që të zhvendosnin eksplozivët në "magazinat formale të barutit".

Ai tha se 20,000 minatorë që nuk mund ta përmbushin afatin, do të përjashtohen nga një program qeveritar për të formalizuar punën e tyre.

Minatorët, të vendosur në rajonin e Cuscos, kishin pezulluar protestën e tyre dyjavore më 15 korrik që kishte bllokuar një rrugë kryesore të tranzitit të bakrit, të përdorur nga firmat minerare MMG, Glencore dhe Hudbay.

Minatorët informalë në Peru operojnë me leje të përkohshme sipas një programi të krijuar më shumë se një dekadë më parë, të cilin qeveria është përpjekur ta ndërpresë.

Minatorët thonë se rregulloret më të rrepta për të formalizuar punën e tyre dhe për të vepruar ligjërisht, janë shumë të rënda dhe ka të ngjarë t'i lënë pa punë.

Sindikata pret të takohet në orët në vijim për të vendosur mbi protesta të reja./ Reuters.