Anija kozmike 'SpaceX' niset drejt Stacionit Ndërkombëtar Hapësinor

Anija kozmike Dragon e SpaceX, në të cilën ishte një ekuipazh ndërkombëtar prej dy astronautësh amerikanë, një kozmonauti rus dhe një astronaut japonez, u nis sot nga Florida, me destinacion Stacionin Ndërkombëtar Hapësinor.

Pjesë kjo e misionit rutinë Crew-11 të NASA-s.

Anija kozmike Dragon e SpaceX, e cila u transportua në hapësirë nga një raketë Falcon 9 do të mbërrijë në Stacionin Ndërkombëtar Hapësinor të shtunën. Lëshimi i anijes kozmike u transmetua drejtpërdrejt nga agjencia amerikane e hapësirës.