‘Situata në Gaza po bëhet çdo ditë më dramatike dhe e papranueshme’, thotë presidenti italian

Presidenti italian Sergio Matarella, në një takim me gazetarët para pushimeve verore, theksoi se 'situata në Gaza po bëhet çdo ditë e më dramatike dhe e papranueshme.'

Ai shprehu shpresën se 'pushimet e njoftuara do të jenë vërtet periudha të ndërprerjes së luftës.'

Njëkohësisht, Matarella nënvizoi se 'është e papranueshme që Izraeli të mos respektojë ligjet humanitare.'

Duke iu referuar bombardimit të fundit të katedrales katolike të 'Shën Familjes' në Gaza, ai kujtoi shprehjen latine: “gabimi është njerëzor, por qëndrimi i ngulitur është djallëzor.”

Presidenti italian dënoi ashpër fenomenin e antisemitizmit, duke theksuar: “Ekziston një tendencë e përhapur për përplasje deri në fund, mungesë tolerancë ndaj mendimeve të ndryshme dhe përzgjedhje e sloganeve të thjeshta dhe paragjykimeve, ndër të cilat antisemitizmi rikthehet si një fenomen shumë serioz, i cili ushqehet edhe nga injoranca.”