Krahasimi i ekonomistit francez ngre debate: Franca në fund të Europës për kushtet e punës, pranë Shqipërisë

Një debat i publik është ndezur në Francë pas deklaratave të ekonomistit të njohur Jean-Claude Delgènes, i cili në një intervistë për një kanali zyrtar , Public Sénat, kritikoi ashpër kushtet e punës në vend, duke thënë se “Franca ka mbetur plotësisht prapa”, madje duke e renditur atë “në fund, bashkë me Shqipërinë”.

Këto deklarata të bëra në transmetim të drejtpërdrejtë kanë shkaktuar një valë reagimesh në rrjetet sociale, ndërkohë që situata në terren është kthyer në një shqetësim të madh për opinionin publik.

Komentet e Delgènes erdhën në një moment veçanërisht të ndjeshëm, pasi pesë të rinj të moshës 15 deri në 19 vjeç kanë humbur jetën në vendin e punës gjatë dy muajve e gjysmë të fundit. Kjo situatë ka rikthyer me forcë në vëmendje çështjen e sigurisë dhe kushteve të punës në Francë, veçanërisht për punonjësit e rinj dhe të papërvojë.

Për të verifikuar pretendimet e ekonomistit, platforma Euroverify analizoi të dhënat e sondazhit të fundit të kryer nga Eurofound në vitin 2021. Ky studim krahasoi cilësinë e kushteve të punës në 36 vende evropiane, përfshirë 27 shtetet anëtare të BE-së. Sipas indeksit të cilësisë së punës, që mat faktorë si shëndeti, siguria dhe kënaqësia në vendin e punës, Franca renditet ndër vendet me nivelet më të larta të tensionit dhe stresit në punë, por jo në vendin e fundit.

"La France a complètement décroché au niveau des conditions de travail"

La France est-elle mauvaise élève sur les conditions de travail ? Eurofound, une étude réalisée en 2021 avec 70.000 salariés de 36 pays différents, a placé la France en dernière position avec l'Albanie.… pic.twitter.com/37mfG2ZUI4

— Public Sénat (@publicsenat) July 14, 2025

Përkundrazi, të dhënat tregojnë se nëse përfshihen edhe punonjësit që raportojnë kushte “mesatarisht të tendosura”, Franca renditet në vendin e parafundit, duke lënë pas vetëm Sllovakinë, ndërkohë që Shqipëria qëndron pak më mirë. Në rastin e kushteve “jashtëzakonisht të sforcuara”, Franca pozicionohet në vendin e 30-të, përpara disa vendeve si Kroacia, Qiproja dhe Mbretëria e Bashkuar.

Edhe pse krahasimi me Shqipërinë nuk qëndron saktësisht sipas të dhënave, shqetësimi i ngritur nga Delgènes ka një bazë reale. Eurostat raporton se Franca renditet e dyta pas Maltës për numrin më të lartë të aksidenteve fatale në vendin e punës në BE. Statistikat tronditëse tregojnë se mesatarisht dy persona humbin jetën çdo ditë gjatë ushtrimit të detyrës së tyre profesionale në Francë.

Përballë kësaj situate alarmante, qeveria franceze po shqyrton masa të reja ligjore për të ndëshkuar punëdhënësit që nuk garantojnë sigurinë në vendin e punës. Një projekt-propozim, i cili është parë së fundmi nga disa media të rëndësishme si Le Monde, sugjeron gjoba më të rënda dhe ndjekje penale për shkelësit.

Debati mbi kushtet e punës në Francë vazhdon të thellohet, ndërsa shifrat e aksidenteve, presioni mbi punëtorët dhe tensioni social e bëjnë të qartë se problemi është kompleks dhe kërkon zgjidhje të menjëhershme. Edhe pse krahasimi i drejtpërdrejtë me Shqipërinë nuk është i saktë, ai ka shërbyer si një sinjal i fortë për autoritetet dhe shoqërinë franceze./ Euronews - Syri.Net