Turneu aziatik i Barçës, tri ndeshje dhe miliona euro përfitime

Nuk ka mbetur shumë kohë derisa ta shohim Barçën e Hansi Flik përsëri në fushë.

Më 24 korrik, kampionët e Spanjës do të udhëtojnë për në Japoni për të filluar turneun e tyre aziatik.

Kjo thyen trendin e viteve të fundit, ku klubi udhëtonte në Shtetet e Bashkuara dhe ishte e zakonshme të shihje një derbi kundër Realit të Madridit, si një nga miqësoret e luksit në verë. Pas gjashtë vjetësh që kur u zhvillua një turne veror në Azi, Barça kthehet të luajë në Korenë e Jugut dhe Japoni.

Hera e fundit ishte në vitin 2019, me Ernesto Valverde si trajner. Përtej stërvitjes dhe aktiviteteve komerciale, ekipi do të luajë një ndeshje në Japoni dhe dy në Korenë e Jugut.

Barcelona ka një treg shumë të fortë në këto vende. Në Japoni, klubi vlerëson se ka 3.6 milionë tifozë, pjesërisht falë gjashtë akademive të Barçës që ndodhen atje.

Fanatizmi është i pranishëm edhe në Korenë e Jugut, ku vlerësohen 2.3 milionë tifozë të tjerë.

Kjo do të jetë hera e shtatë në histori që Barça do të ndërmarrë një turne në Azi.

Faza përgatitore për sezonin e ri është ideale për të zbuluar nëse lojtarët e ekipit rezervë janë gati të kalojnë në ekipin e parë ose për të përcaktuar nëse nënshkrimet e reja janë një përshtatje e mirë.

Por ka më shumë detaje të reja që po prezantohen në këto ndeshje.

Barcelona ka mundësinë të shfaqë uniformën e saj të re jashtë fushe në këto tri miqësore.

Fanellën krejt të re të verdhë të artë që u zbulua në fillim të korrikut.

Dhe nuk ka nevojë të detyrohet situata, pasi ngjyrat e tre ekipeve pritëse i lejojnë klubit katalanas ta veshë atë pa asnjë problem, duke përmbushur rolin e tij si ekip mysafir.

Gjithashtu nuk mund të përjashtohet që të shohim uniformën e tretë në veprim, e cila këtë sezon do të jetë rozë.

Këto veprime marketingu janë të nevojshme për financat e klubeve.

Barcelona do të luajë një ndeshje në Japoni kundër Visel Kobe, pjesëmarrëse në Botërorin e Klubeve dhe skuadër me të cilën ka luajtur një legjendë e Barcelonës, Andres Iniesta.

Në Korenë e Jugut, klubi do të përballet me Saulin dhe Daegun. Sipas mediave spanjolle, katalanasit pritet të arkëtojnë midis 5-6 milionë euro nga ky turne në Azi.