Djali 6 vjeçar ‘vret’ foshnjën e porsalindur duhe e lëshuar në tokë: Mendova se ishte një kukull

Një djalë 6 vjeç është akuzuar për vrasjen e një foshnje të sapolindur pasi prindërit e tij e lanë të lëvizte lirshëm në repartin e maternitetit.

Foshnja Zayneb-Cassandra vdiq të martën pas një dëmtimi të madh në kokë në Spitalin Pediatrik Jeanne-de-Flandre në qytetin verior të Lille-it, Francë.

Thuhet se foshnja u rrëzua në dysheme nga djali, i cili e ‘mori si një kukull’ të premten.

Zayneb-Cassandra ishte fëmija i parë i një gruaje 23-vjeçare, e cila lindi me prerje cezariane.

Ajo u la e vetme në njësinë neonatale ndërsa nëna e saj po rikuperohej në repartin e maternitetit, kur djali hyri në dhomën e saj.

Pacientët e tjerë kishin ankuar për fëmijën, duke thënë se ishte një ‘prani shqetësuese’ dhe hynte pa leje në dhomat e pacientëve të tjerë.

Gjysheja e Zaynebit i tha gazetës Voix du Nord: ‘Djali vinte në orën 7 të mëngjesit dhe kalonte gjithë ditën duke vrapuar në korridore.

‘Të gjitha nënat ankoheshin, dhe një infermiere paralajmëroi madje nënën e fëmijës se kishte një problem. Ai hynte në dhomat e tjera.

‘Gjithashtu hyri për herë të parë në dhomën e Zaynebit. Ai tha se ajo dukej si një kukull, dhe burri im, që ishte aty, e nxori jashtë.’

Familja po nënshkruante dokumentet e daljes së nënës së re kur morën një telefonatë nga menaxheri i repartit, i cili tha: ‘Një djalë i vogël po luante me foshnjën, e cila kishte rënë.’

Zayneb u gjet e pa vetëdije në dysheme pranë djalit që ishte ulur në një karrige. Ajo u dërgua urgjentisht në kujdes intensiv, por u shpall e vdekur të martën.

Është hapur një hetim nga njësia gjyqësore për të miturit e Policisë Gjyqësore të Lille-it.

‘Hetimet janë aktualisht në zhvillim për këtë rast,’ tha një zëdhënës i prokurorit të Lille-it.

Spitali njoftoi gjithashtu hapjen e ‘një hetimi administrativ të brendshëm’.

Një zëdhënës tha: ‘Kjo tragjedi njerëzore ka prekur thellë stafin dhe ekipet e Spitalit Universitar Pediatrik të Lille-it, si dhe familjet e tjera që ishin aty.’