Përplasje virtuale mes Cassano-s dhe Leao-s: Luan sikur do t'u tërheqë vëmendjen femrave...

Një tjetër shkëmbim thumbash ka ndodhur mes ish-sulmuesit italian, Antonio Cassano, dhe ‘yllit’ të Milanit, Rafael Leao. Në një deklaratë të fundit në podcastin Viva el Fútbol, Cassano ka kritikuar sërish stilin e lojës së portugezit, duke thënë:

“Është sikur luan për të impresionuar vajzat, jo për të fituar ndeshjet.”

Komenti i ish-lojtarit italian, i njohur për opinionet e tij pa filtra, ka ngjallur menjëherë reagime, por Leao vendosi të përgjigjej me ironi. Në një postim në platformën “X” (ish-Twitter), ai shkroi thjesht: “Më do shumë,” duke e shoqëruar me emoji që qeshin, duke e marrë me sportivitet situatën.

Pavarësisht kritikave, sulmuesi i kuqezinjve duket i përqendruar në përgatitjet për sezonin e ri nën drejtimin e Massimiliano Allegrit dhe e kalon me humor çdo sulm që i vjen nga jashtë fushe. Leao vazhdon të jetë një nga pikat kyçe të Milanit dhe duket i vendosur të flasë më shumë me performancën sesa me fjalët.

He loves me so much 😭😭😭 https://t.co/WCbNMM83M9

— Rafael Leão (@RafaeLeao7) July 17, 2025