Medvedev: Rusisë nuk i intereson ‘ultimatumi teatral’ i Trumpit
Deklaratat e së hënës nga Presidenti i SHBA-së Donald Trump, janë "një ultimatum teatral" ndaj Moskës për të cilin nuk interesohet, tha zëvendëskryetari i Këshillit të Sigurisë Ruse Dmitry Medvedev.
“Trump i dha një ultimatum teatral Kremlinit. Bota u drodh, duke pritur pasojat. Evropa luftarake u zhgënjye. Rusisë nuk i interesonte”, shkroi Medvedev në anglisht në platformën sociale X.
Trump issued a theatrical ultimatum to the Kremlin.
— Dmitry Medvedev (@MedvedevRussiaE) July 15, 2025
The world shuddered, expecting the consequences.
Belligerent Europe was disappointed.
Russia didn’t care.
Ky është reagimi i parë zyrtar i Moskës ndaj deklaratave që Trump bëri dje.
Më 14 korrik, Trump njoftoi vendimin e Uashingtonit për të vazhduar dërgimin e armëve dhe pajisjeve ushtarake në Ukrainë për sa kohë që Evropa paguan për dërgesat e armëve. NATO do të koordinojë procesin, shtoi presidenti amerikan. Ai tha gjithashtu se Shtetet e Bashkuara do të vendosin tarifa importi deri në 100% për Rusinë dhe partnerët e saj tregtarë në rast se Uashingtoni dhe Moska nuk arrijnë marrëveshje për zgjidhjen e konfliktit në Ukrainë./ TASS.