Trailer i përmbysur dhe rrënoja kudo, Trump viziton zonën e goditur nga stuhia në Teksas

Presidenti amerikan Donald Trump ka vizituar sot zonën e prekur rëndë nga stuhia në Kerrville, ku pamjet dramatike tregojnë një trailer të përmbysur mes rrënojave, degëve të thyera dhe mbetjeve të tjera të shkaktuara nga moti ekstrem.

I shoqëruar nga Zonja e Parë dhe Guvernatori i Teksasit, Greg Abbott, Trump ndaloi për të biseduar me autoritetet vendore dhe ekipet e emergjencës, vetëm pak metra larg nga dëmet e dukshme në terren. “Situata është e rëndë, por reagimi ka qenë i shpejtë,” tha një zyrtar lokal.

Mes zyrtarëve të pranishëm ishte edhe menaxheri i qytetit Kerrville, Dalton Rice, i cili e informoi Trump për masat e ndërmarra dhe dëmet e shkaktuara nga përmbytjet. Në sfond, kamerat kapën zjarrfikëse, një hartë të rajonit dhe pemë të rrëzuara nga stuhia.

Karvani presidencial lëvizi përgjatë rrugëve të qytetit përpara një takimi me forcat e reagimit të parë dhe përfaqësues të komunitetit. Qindra qytetarë kishin dalë përgjatë rrugës për ta përshëndetur Trumpin me brohoritje dhe flamuj.

Vizita e tij vjen në një moment kur autoritetet po përpiqen të rivendosin normalitetin dhe të vlerësojnë dëmet ekonomike e infrastrukturore pas stuhisë së fuqishme që goditi rajonin.