'Dhuratë falas'/ Pranoi 40 milionë euro në bitcoin nga një i dënuar për trafik droge, ministri çek i Drejtësisë jep dorëheqjen

Ajo që fillimisht u paraqit si një marrëveshje e madhe, u zbulua shpejt. Të premten, më 30 maj, ministri çek i Drejtësisë, Pavel Blazek, politikani konservator, dha dorëheqjen pas dy ditësh polemikash mbi shitjen nga ministria e tij të bitcoin-eve "të dhuruara falas" nga një kriminel i dënuar për trafik droge.

Skandali filloi me një postim në Tëitter nga ministria, e cila u mburr të mërkurën në X se kishte nxjerrë në ankand gati 500 bitcoin dy ditë më parë, duke mbledhur gati 1 miliard koruna çeke (rreth 40 milionë euro).

Poslední veřejná dražba se uskutečnila včera 27. května, celkem bylo úspěšně realizováno 78 elektronických aukcí a do majetku státu směřuje 956,8 mil. Kč. Více informací se dozvíte na zítřejší tiskové konferenci. Akreditace jsou možné zde: https://t.co/5PYWFoeGNS https://t.co/1FoG3NXIoI pic.twitter.com/hUzce16hxy

— Ministerstvo spravedlnosti ČR (@SpravedlnostCZ) May 28, 2025

Sipas Blazek, paratë ishin menduar për të ndihmuar në financimin e digjitalizimit të sistemit të drejtësisë, për të luftuar përdorimin e drogës në burgje dhe për të siguruar strehim për stafin e burgjeve.

Por një problem i madh u vu në dukje shpejt nga Denik N. Të enjten, faqja e lajmeve zbuloi se bitcoin-et ishin dhuruar nga Tomas Jirikovsky, një kriminel famëkeq i dënuar në vitin 2017 për "përvetësim, trafik droge dhe posedim të paligjshëm të armëve". Ai ishte shpallur fajtor për drejtimin e Sheep Marketplace, një treg në rrjetin e errët i njohur për shitjen e produkteve të paligjshme./ Le Monde.