'Heroi i kutive të votimit për partinë-shtet'/ Topalli: Zarfat fluturojnë, Sinani po komandon!

Koordinatorja për diasporën në PD, Jozefina Topalli ka reaguar në lidhje me skandalin e fundit, ku patronazhisti i PS-së në Itali, punonjës i postës së DHL-së, pozonte me zarfet ku ndodheshin fletët e votimeve për zgjedhjet e 11 majit.

‘Zarfat fluturojnë, Sinani po komandon! Në foto: Sinan Patozi, militant besnik i PS nga Divjaka, i vendosur në Itali. Për ne, një qytetar si gjithë të tjerët. Për Partinë-Shtet? Një “heroi i kutive të votimit”, që mbart fletët sikur të ishin amaneti i Rilindjes’, shkruan Topalli në Facebook.

Postimi i plotë:

📦✈️ Zarfat fluturojnë, Sinani po komandon!

Në foto: Sinan Patozi, militant besnik i PS nga Divjaka, i vendosur në Itali.

Për ne, një qytetar si gjithë të tjerët.

Për Partinë-Shtet? Një “heroi i kutive të votimit”, që mbart fletët sikur të ishin amaneti i Rilindjes.

🧳 Një ditë me zarfe,

🤝 një tjetër në krah të Taulant Ballës në Prato,

📬 dhe më pas… drejt Tiranës me kuti të “mbushura me dashuri”.