'Jeta juaj është sipërmarrja më e madhe në botë'/ Një ndër fjalimet më domethënëse të Papa Françeskut

Mund të keni të meta, të jeni të shqetësuar dhe madje të zemëruar, por mos harroni se jeta juaj është sipërmarrja më e madhe në botë. Vetëm ju mund ta parandaloni që të deshtoni. Shumë ju vlerësojnë, ju admirojnë dhe ju duan. Mos harroni se të jesh i lumtur nuk do të thotë të kesh një qiell pa stuhi, një rrugë pa aksidente, një punë pa lodhje, marrëdhënie pa zhgënjim.

Të jesh i lumtur do të thotë të gjesh forcë në falje, shpresë në beteja, siguri në fazën e frikës, dashuri në mosmarrëveshje. Nuk është vetëm të shijosh buzëqeshjen, por edhe të reflektosh mbi trishtimin. Nuk është vetëm të festosh sukseset, por të mësosh nga dështimet. Nuk është vetëm të ndjehesh i lumtur me duartrokitje, por të jesh i lumtur në anonimitet. Të jesh i lumtur nuk është një fatalitet i fatit, por një arritje për ata që mund të udhëtojnë brenda vetes. 

Të jesh i lumtur do të thotë të ndalosh së ndjeri si viktimë dhe të bëhesh autori i fatit tënd. Eshte te kalosh shkretëtira, por është  edhe të gjesh një oaz thellë në shpirt. Është falënderimi i Zotit çdo mëngjes për mrekullinë e jetës. Është të kesh pjekurinë të jesh në gjendje të thuash: “Kam bërë gabime”. Është të kesh guxim të thuash “Më fal”. Është të kesh ndjeshmëri të thuash “Kam nevojë për ty”. Është të kesh aftësinë për të thënë “të dua”.

Dhe kur bëni një gabim, filloni nga e para. Sepse vetëm atëherë do të jeni të dashuruar me jetën. Do të zbuloni se të jesh i lumtur nuk do të thotë të kesh një jetë të përsosur. Por përdorni lotët për të vaditur tolerancën. Përdorni humbjet tuaja për të trajnuar durimin. Përdorni gabimet tuaja me qetësinë e skulptorit. Përdorni dhimbjen për t’u akorduar në kënaqësi. Përdorni pengesat për të hapur dritaret e inteligjencës.

Mos u dorëzo kurrë. Mbi të gjitha, mos hiqni dorë kurrë nga njerëzit që ju duan. Asnjëherë mos hiqni dorë nga lumturia, sepse jeta është një pamje e mrekullueshme.