Festohet në Berat Fiter Bajrami, Myftiu i Beratit, uron besimtarët që u bekuan në agjërim dhe lutje

Pas 30-ditësh agjërimi e lutjeje,besimtarët myslimanë në Berat festojnë sot Fitër Bajramin,festën që mbyll Muajin e Shenjtë të Ramazanit dhe mirënjohjen për mundin dhe sakrificat e bëra gjatë këtij periudhe. 

Kremtimi i kësaj dite të shenjtë nisi herët në mëngjes,më orën 06:30 me faljen e Namazit të Fiter Bajramit. Mijëra besimtarë u bashkuar në Pedonalen kryesore të qytetit të Beratit për të kryer ritet e faljes,duke u lutur për më shumë paqe,mbarësi dhe begati për veten, familjet e tyre dhe për gjithë botën.

Ritet e faljes u udhëhoqën nga Myftiu i qytetit të Beratit,Bilbil Talla,i cili gjatë fjalës së tij theksoi rëndësinë e përkushtimit dhe sakrificës që besimtarët bënë gjatë muajit të Ramazanit. Ai e shprehu falënderimin për besimtarët, duke i inkurajuar ata që të vazhdojnë të jetojnë me virtyte dhe të mos harrojnë shpërblimin e madh që ata kanë arritur gjatë agjërimit dhe lutjeve të këtij muaji të shenjtë.

Fiter Bajrami, si çdo vit, ka sjellë një atmosferë të ngrohtë dhe festë mes komunitetit mysliman në Berat,duke i bashkuar ata në lutje dhe gëzim dhe duke forcuar më tej lidhjet shpirtërore dhe sociale mes tyre.