SYRI TV/ Situatë kritike me virozat në vend, në Berat, Fier dhe Mallakastër janë shtuar pacientët

SYRI TV

Situata me virozat në vend paraqitet kritike gjatë këtij dimri, me raste të shumta virozash dhe fluks të shtuar pacientësh. Në qarkun e Beratit janë shtuar pacientët e prekur nga virozat që marrin trajtim në Pediatri, Urgjencë dhe Infektiv. Lajmin e bën të ditur shefja e Repartit Infektiv në Spitalin Rajonal Berat, mjekja infeksioniste Valbona Papa, e cila konfirmoi se qarkullon ‘Gripi A’ dhe jo Covid.

Një pjesë e të prekurve nga virozat po marrin trajtim në shtëpi, por ka pasur edhe raste me komplikacione që janë shtruar në Repartin e Infektivit dhe Repartin e Patologjisë.

Situatë problematike paraqitet edhe në rrethe të tjera. Rreziku nga virozat ka shtuar numrin e vaksinave  me 7 mijë doza më tepër krahasuar me një vit më pare për rrethet Fier dhe Mallakastër. Mjekja epidemiologe Anila Moçi tregon se grupmosha më e prekur mbeten pensionistët dhe të sëmurët me zemër, teksa i këshillon të shmangin grumbullimet kolektive.