FOTO/ Kulla digjej, dy të rinjtë italianë telefojnë prindërit dhe vdesin në krahët e njëri - tjetrit
Një çift të rinjsh kanë humbur jetën mes flakëve në kullën Grenfell, pasi ndërtesa 24-katëshe në Londër u “përpi” nga zjarri.
Por para se të jepnin jetë, dy të rinjtë telefonuan familjarët të tyre në Itali për t’i përshëndetur për herë të fundit, raporton “The Sun”.
Gloria Trevisan dhe Marco Gottardi kaluan momentet e tyre të fundit duke u treguar prindërve sa shumë i donin, shkruan syri.net. Gloria i telefonoi nënës duke i pëshpëritur: "Faleminderit për atë që ke bërë për mua".
Marco përpiqej ta qetësonte, por te dashuruarit u ndanë përfundimisht nga familjarët e tyre , duke u thënë se mund të shihnin flakët që po afroheshin nga shkallët.
Bisedat telefonike janë zbuluar për mediat britanike nga prindërit e Glorias.
Dy arkitektët jetonin në katin e 23 dhe shpëtimi i tyre ishte pothuajse i pamundur, pasi zjarri shpërtheu në katin e katër për te përpirë më pas të gjithë kullën.
Të dashuruarit u zhvendosën nga Italia në Londër vetëm tre muaj më parë për të gjetur punë.
Gloria thirri familjen e saj në orën 3 të mëngjesit duke thënë se një zjarr i madh kishte shpërthyer në të gjithë kullën dhe se ajo dhe i fejuari i saj po prisnin ndihmë.
Por ndihma nuk erdhi kurrë dhe kufomat e dy të rinjve u gjetën në krahët e njëri-tjetrit./SYRI.net/
Një numër i madh banorësh të kateve të sipërme janë hedhur për t’u shpëtuar flakëve,shkruan syri.net. Një grua me dy fëmijë u pa duke bërtitur nga akti i 11-të i ndërtesës. Një tjetër njeri filloi të luste turmën poshtë ta ndihmonte ndërkohë që tundte këmishën nga dritarja
Një tjetër banore, e cila po përpiqej të shpetonte prej tyre bashkë me 6 fëmijët e saj nga kati i 21-të, përfundoi vetëm me 4 prej tyre
Zjarrëkësit, ambulancat dhe policia nuk kanë mundur të futen brenda në ndërtesë dhe u kanë kërkuar të qendrojnë aty dhe të presin për ta që t’i marrin.
Dëshmitarët rrëfyen për mediat britanike se shumica e personave të bllokuar brenda kishin vetëm një kërkesë: Na shpëtoni fëmijët./SYRI.net/