Lind derbi i Milanos për Javier Pastore

Raportimet në Francë thonë se Milan dhe Inter janë të interesuar për mesfushorin-sulmues të Paris Saint-Germain, Javier Pastore.

Argjentinasi ishte një nga afrimet e para të epokës së Nasser Al-Khelaifi në “Parc des Princes”, që erdhi nga Palermo për një tarifë prej 42 milionë eurosh në vitin 2011. Megjithatë, “L’Equipe” raporton se 27-vjeçari dëshiron të largohet nga Ligue 1 këtë verë, me të dy klubet e Milanos të interesuar për t’i ofruar atij një kthim në Itali.

Pastore gjithashtu ka admirues në Premier League dhe trajneri i PSG-së, Unai Emery, dyshon në aftësinë e tij për të sakrifikuar ekipin në sistemin e tij të preferuar.

Pavarësisht nga kjo, besohet se pronarët hezitojnë ta lënë anësorin të largohet, pasi ai është parë si një nga simbolet e projektit të tyre dhe kjo do të dërgonte një sinjal të keq për lojtarët e tjerë, jo më pak se Marco Verratti.

Pastore bëri vetëm 15 paraqitje në kampionat sezonin e kaluar, duke dhënë katër asiste.