Valverde i bën ‘presion’ Bayernit: Po kalojmë një moment shumë të mirë

Federico Valverde doli në konferencën për mediet në krah të trajnerit Carlo Ancelotti në prag të ndeshjes së parë gjysmëfinale të Champions League të Real Madridit ndaj Bayern Munchen.

Mesfushori theksoi se madrilenët po kalojnë një moment shumë të mirë, ndërsa shtoi se të luash për atë skuadër është një përvojë shumë e mirë.

“Jam i lumtur se si ka qenë ky vit për mua, po argëtohem duke luajtur shumë minuta si titullar, po argëtohem në maksimum. Të konkurrosh për Real Madridin është gjëja më e mirë që mund të provojë një futbollist. Po përfitoj sa më shumë, kemi një moment pozitiv”, deklaroi Valverde.