Dikur zonë e sigurt ku strehoheshin të shpërngulurit, sot një morg, çfarë po ndodh në Rafah

Qyteti Rafah dikur ishte një “zonë e sigurt” në Rripin e Gazës, duke shërbyer si strehë shpëtimi për palestinezët të cilët u zhvendosur në përpjekje për të shpëtuar jetën.

Korrespondenti i Al Jazeera, raporton se Rafah është kthyer tashmë në një morg, ndërkohë që shumë civilë humbin jetën çdo ditë si pasojë e sulmeve ajrore izraelite.

Qyteti më jugor në Rripin e Gazës, ku janë strehuar më shumë se një milion palestinezë, së shpejti mund të kthehet në një fushë beteje të përgjakshme, paralajmëron ai, ndërsa Izraeli intensifikon sulmet e tij ajrore në Rafah përpara një pushtimi tokësor të planifikuar.