Reali në gjysmëfinale! Ancelotti hakmerret ndaj Guardiolës

Real Madrid ka mposhtur Manchester City në “Etihad” pas 120 minutave lojë. Ishin penalltitë që dërguan madrilenët në gjysmëfinale të Champions League.

Madrilenët zhbllokuan ndeshjen në minutën e 12.Ishte një kundërsulm perfekt me brazilianin Rodrigo i cili mposhti portierin Ederson.

Në minutën e 76 ishte “magjistari” belg, De Bruyne i cili dërgoi topin në rrjetën e spanjollëve.

Në lotarinë e 11-metërshave gaboi fillimisht një legjendë si Modric, por City nuk e shfrytëzoi epërsinë psikologjike pas serisë së parë, pasi dështuan njëri pas tjetrin dy lojtarë me shumë përvojë si Bernardo Silva dhe Kovacic.

Ndeshja e parë mes këtyre dy skuadrave e luajtur në “Santiago Bernabeu” kishte përfunduar në barazim 3-3.

Në gjysmëfinale, Real Madrid do të përballet me bavarezët e Bayern Munchen.